Të drejtat dhe përgjegjësitë e pacientëve janë të përcaktuara me Kartën e të Drejtave të Pacientit.

Kjo kartë përcakton të drejtën e pacientit për parandalim të sëmundjeve, për qasje të barabartë në shërbimet shëndetësore, për informim, për dhënie të pëlqimit për vendimet që kanë të bëjnë me shëndetin e tij, për të zgjedhur mjekun, për privatësi dhe konfidencialitet, për respektimin e kohës së tij gjatë marrjes së shërbimit, për qasje në shërbime cilësore e në procedura të reja diagnostike, për siguri, për shmangie të vuajtjeve dhe dhimbjeve, për trajtim personal, për ankesë si dhe për kompensim në rast të dëmit moral, fizik apo psikologjik.

Karta poashtu përcakton përgjegjësitë e pacientëve për të bashkëpunuar me profesionistët shëndetësorë në informimin e saktë të gjendjes së tij, në përmbajtjen e udhëzimeve të dhëna për trajtim mjekësor, në respektimin e rregullave të institucionit shëndetësor, në përmbushjen e obligimeve për shërbimet e pranuara, si dhe në respektimin e të drejtave te personelit shëndetësor.